सामाजिक कार्यकर्त्यांमुळे जखमी व्यक्तीला मिळाले जीवदान

बेळगाव : सामाजिक कार्यकर्त्यांनी वेळेवर केलेल्या मदतीमुळे एका जखमी इसमाला त्वरित हॉस्पिटलमध्ये दाखल करणे शक्मय झाले. याबाबतचे सविस्तर वृत्त असे की, मंगळवारी सकाळी फर्स्टगेट जवळ नागेश मोरे हे सायकलवरून जात असताना अचानक खाली पडले आणि बेशुद्ध झाले. त्यांना बराच मार बसून रक्तस्राव सुरू झाला. सामाजिक कार्यकर्ते संतोष दरेकर यांनी त्वरित तेथे जाऊन त्यांची अवस्था पाहिली. गस्त घालणाऱया पोलिसांच्या मदतीने त्यांनी मोरे यांच्यावर पाणी शिंपडले व स्वतःचे बनियन काढुन त्यांची जखम बांधली. सरकारी रुग्णवाहिकेतून त्वरित त्यांना सिव्हिलमध्ये दाखलही केले. मोरे यांच्या पासबुकमुळे त्यांचा पत्ता व फोन नंबर मिळाला. दरेकर यांनी त्यांच्या कुटुंबीयांना याबाबत माहिती दिली व त्यांची सायकल सुरक्षित असून, ती घेऊन जावी, असे कळवले.