ऑनलाईन टीम / मुंबई :
देशात कोरोनाचा प्रादुर्भाव वेगाने वाढत आहे. सामान्य नागरिकांसोबत राजकीय नेते, बॉलीवुड कलाकार, टिव्ही कलाकार, खेळाडू यांना देखील कोरोनाने आपली शिकार बनवले आहे. त्यातच आता आणखी एका टीव्ही कलाकाराची भर पडली आहे. ‘देवों के देव महादेव’ फेम मोहित रैना याला देखील कोरोनाची बाधा झाली आहे. त्याला रुग्णालयात दाखल करण्यात आले आहे. त्यांने स्वतः इन्स्टाग्रामवर पोस्ट करून याबाबत माहिती दिली आहे.
त्याने एक पोस्ट केला आहे. या फोटोमध्ये त्यांच्या हाताला सुई लावलेली दिसत आहे.
मोहित रैना आपल्या पोस्टमध्ये म्हणाला की, सद्य स्थितीत बाहेर आणि आत जी परिस्थिती मी पाहतो आहे, त्यावरून मी सर्वांसाठी प्रार्थना करतो. माझे वडील नेहमी सांगतात की, प्रार्थना जादूसारखे काम करते. मी सर्वांना आवाहन करतो की सुरक्षित रहा आणि सर्वांसाठी प्रार्थना देखील करा. मागच्या आठवड्यात मला कोरोनाची लागण झाली आहे. त्यावेळी पासून मी डॉक्टरांच्या देखरेखोमध्ये आहे. तसेच आपण सर्वांनी घरात राहावे . लवकरच मी यातून बरा होईन आणि तुम्हां सर्वांना पुन्हा भेटेन, असे म्हटले आहे.
दरम्यान, मोहित याआधी ‘अ वायरल वेडिंग’ या वेब सिरीजमध्ये आपल्याला दिसला. तर 2020 मध्ये नेटफ्लीक्स वर मोहितची मिसेस सिरीयल किलर’ हा पिक्चर रिलीज झाला होता.
