ऑनलाईन टीम / नवी दिल्ली :
केंद्रीय अन्वेषण विभागाचे (सीबीआय) माजी संचालक रणजीत सिन्हा यांचे आज पहाटे साडेचार वाजता दिल्लीत कोरोनाने निधन झाले. ते 68 वर्षांचे होते. गुरुवारी सायंकाळी त्यांचा कोरोना रिपोर्ट पॉझिटिव्ह आला होता.
सिन्हा बिहार कॅडरचे 1974 च्या बॅचचे आयपीएस अधिकारी होते. 2012 ते 2014 दरम्यान ते सीबीआयच्या संचालकपदी होते. सीबीआयचे संचालक होण्याआधी पाटणा आणि दिल्लीत सीबीआयमध्ये अनेक मोठ्या पदांची जबाबदारी पार पाडली होती. सिन्हा यांनी भारत-तिबेट सीमा पोलीस दल तसेच रेल्वे सुरक्षा दलाचे नेतृत्त्व केले होते.
