ऑनलाईन टीम / पुणे :
पुणे विभागातील 7 लाख 72 हजार 992 कोरोना बाधित रुग्ण बरे होऊन घरी गेले असून विभागात कोरोना बाधीत रुग्णांची संख्या 9 लाख 15 हजार 283 झाली आहे. तर 1 लाख 23 हजार 827 रुग्णांवर उपचार सुरू आहेत. कोरोनाबाधीत एकुण 18 हजार 464 रुग्णांचा मृत्यू झाला असून मृत्यूचे प्रमाण 2.2 टक्के आहे. पुणे विभागामध्ये बऱ्या होणाऱ्या रुग्णांचे प्रमाण 84.45 टक्के आहे, अशी माहिती विभागीय आयुक्त सौरभ राव यांनी दिली.
पुणे जिल्ह्यातील कोरोना बाधीत एकूण 6 लाख 58 हजार 14 रुग्णांपैकी 5 लाख 47 हजार 581 रुग्ण बरे होवून घरी गेले आहेत. ॲक्टीव्ह रुग्ण 99 हजार 729 आहे. कोरोनाबाधित एकूण 10 हजार 704 रुग्णांचा मृत्यू झाला आहे. मृत्यूचे प्रमाण 1.63 टक्के इतके आहे तर बरे होणाऱ्या रुग्णांचे प्रमाण 83.22 टक्के आहे.
आजपर्यत विभागामध्ये एकुण 55 लाख 57 हजार 564 नमून्यांचा तपासणी अहवाल प्राप्त झाला. प्राप्त अहवालांपैकी 9 लाख 15 हजार 283 नमून्यांचा अहवाल सकारात्मक (पॉझिटिव्ह) आहे.
