ऑनलाईन टीम / मुंबई :
महाराष्ट्रात कोरोनाचे सावट अधिक गडद होताना दिसत आहे. बॉलीवूडमधील अनेक कलाकारांना कोरोनाची लागण झाली आहे. त्यातच आता अभिनेत्री कॅटरिना कैफला कोरोनाची बाधा झाली आहे. तिने स्वतः इंस्टाग्राम वर याबाबत माहिती दिली आहे.
तिने आपल्या पोस्टमध्ये म्हटले आहे की, आज माझे कोरोनाचे रिपोर्ट पॉझिटिव्ह आले आहेत. मात्र, सध्या माझी प्रकृती ठीक असून मी घरातच विलगीकरणात आहे. तसेच डॉक्टरांनी दिलेल्या नियमांचे पालन करीत आहे. मागील काही दिवसात जे कोणी माझ्या संपर्कात आले त्यांनी स्वतःची टेस्ट करून घ्यावी असे आवाहन देखील तिने यावेळी केले आहे.
आतापर्यंत बॉलीवूड मधील अनेक कलाकारांना कोरोनाची बाधा झाली आहे. यामध्ये अक्षय कुमार, आमिर खान, परेश रावल, रणबीर कपूर, आलिया भट्ट, भूमी पेडणेकर, अभिषेक बच्चन, अमिताभ बच्चन आदी कलाकारांचा समावेश आहे. त्यामुळे सिनेसृष्टीत चिंतेचे वातावरण निर्माण झाले आहे. तर दुसरीकडे संजय दत्त, सलमान खान, सैफ अली खान आदी कलाकारांनी कोरोनाची पहिली लस टोचून घेतली आहे.
