ऑनलाईन टीम / श्रीनगर :
जम्मू-काश्मीरच्या पुलवामामधील काकपोरा भागात चकमकीदरम्यान तीन दहशतवाद्यांना कंठस्नान घालण्यात सुरक्षा दल आणि जम्मू पोलिसांना यश आले. या परिसरात पहाटेपासून दहशतवादी आणि सुरक्षा दलांमध्ये चकमक सुरू होती.
पुलवामामधील काकपोरा भागात काही दहशतवादी लपल्याची माहिती सुरक्षा दलांना मिळाली होती. त्यानुसार सुरक्षा दल आणि जम्मू पोलिसांकडून शोधमोहीम हाती घेण्यात आली. शोधमोहिमेदरम्यान, एका तीन मजली इमारतीत हे दहशतवादी लपून बसल्याचे समजताच त्याची खात्री करून जवानांनी स्फोटकांच्या माध्यमातून हे तीन मजली घर उडवून दिले. या स्फोटात तीन दहशतवाद्यांचा मृत्यू झाला.
