बेंगळूर/प्रतिनिधी
कर्नाटकात कोरोनाचा प्रसार वेगाने होत आहे. राज्यात कोरोनाची संख्या दुपटीने वाढली आहे. राज्यात २४ तासात ४ हजाराहून अधिक रुग्णांना कोरोनाची लागण झाली आहे. तर राज्यात २४ तासात २६ कोरोना रुग्णांचा मृत्यू झाला आहे. मागील अकरा दिवसात १३५ जणांचा मृत्यू झाला आहे. राज्यात दररोज री कोरोनाची संख्या वाढत आहे. राज्यात कोरोनाची दुसरी लाट वेगाने पसरत असल्याने सरकार खबरदारीच्या योजना राबवित आहे. कोरोनाच्या दुसऱ्या लाटेवर मात करण्यासाठी सरकार सज्ज आहे.
राज्यात सलग काही दिवस कोरोनाची संख्या वाढत आहे. राज्यात मंगळवारी कोरोना रुग्णांची संख्या २,९०० च्या वर गेली होती. बुधवारी तीच संख्या ४ हजाराच्या वर गेली आहे. राज्यात दिवसागणिक कोरोनाचा वेग वाढतच आहे. राज्यात कोरोनाचा वेग वाढल्याने बुधवारी ४,२२५ बाधित रुग्णांची भर पडली. त्यामुळे सध्या राज्यात सक्रिय रुग्णांची संख्या २८,२४८ वर पोहोचली आहे.
आरोग्य विभागाने जारी केलेल्या बुलेटिननुसार राज्यात बुधवारी ४,२२५ जणांना कोरोनाची लागण झाल्याचे म्हंटले आहे. तर, राज्यातील विविध जिल्ह्यातून १,४९२ रुग्ण बरे झाल्यानंतर घरी परतले आहेत. बुधवारी कोरोनामुळे २६ जणांचा मृत्यू झाला आहे. कोरोनामुळे राज्यात आतापर्यंत १२,५६७ रुग्णांचा मृत्यू झाला आहे.
दरम्यान राज्यात बेंगळूर शहरी जिल्ह्यात कोरोना रुग्णांचा वेग वाढत आहे. बेंगळूरमध्ये रुग्ण वाढत असल्याने प्रशासनाची चिंता वाढली आहे. परिस्थिती नियंत्रणात ठेवण्यासाठी प्रशासन नजर ठेऊन आहे. जिल्ह्यात प्रशासनाने अनेक कार्यक्रमांवर बंदी आहे. तसेच कोरोना नियमांचे उल्लंघन केल्यास दंडाची रक्कमही वाढवली आहे. तसेच राज्यात मंगळवार पासून कडक नियमावली लागू केली आहे. दरम्यान बुधवारी जिल्ह्यात २,९२८ नवीन पॉझिटिव्ह रुग्ण आढळले आहेत. तर ८७९ रुग्ण बरे होऊन रुग्णालयातून घरी परतले आहेत बेंगळूर शहरी जिल्ह्यात कोरोना संक्रमणामुळे आतापर्यंत ४,६१९ रुग्णांचा मृत्यू झाला आहे.
