महिनाभरात 2 हजार डॉक्टरांची थेट नेमणूक : डॉ. सुधाकर

बेंगळूर : राज्यात 2 हजारहून अधिक डॉक्टर, 700 हून अधिक निमवैद्यकीय कर्मचारी, नर्सिंग कर्मचाऱयांच्या महिनाभरात थेट नेमणुका करण्याचा निर्णय घेण्यात आला आहे, अशी माहिती आरोग्यमंत्री डॉ. के. सुधाकर यांनी दिली. बळ्ळारी येथील विजयनगर वैद्यकीय विज्ञान संस्थेच्या आवारातील एमआरआय, ग्रंथालय, सभागृह आणि वैद्यकीय चाचणी कक्ष, रंगमंदिर, विद्यार्थी वसतिगृहाच्या कोनशिला कार्यक्रमाचे व्हर्च्युअल पद्धतीने उडुपी येथून उद्घाटन केल्यानंतर ते बोलत होते. ग्रामीण भागात काम करणाऱया डॉक्टरांना प्रोत्साहन देण्यासाठी बढती आणि वेतनवाढ देण्याचा निर्णय घेतला असून त्याकरिता कायद्यात बदल करण्यात येईल. खासगी-सरकारी सहभागातून आरोग्य क्षेत्राचा कायापालट करण्याच्या उद्देशाने सीएसआर समिती नेमण्यात आली आहे, अशी माहितीही त्यांनी दिली.