बेळगाव : कर्नाटक प्राणी संग्रहालयाचे संचालक बी. पी. रवी यांनी भुतरामहट्टी येथील प्राणी संग्रहालयाला रविवारी भेट दिली. भुतरामहट्टी येथील प्राणी संग्रहालयाचा म्हैसूर प्राणी संग्रहालयाच्या धर्तीवर विकास होत आहे. शिवाय टप्प्याटप्प्याने वन्यप्राणी दाखल होत आहेत. त्यामुळे पर्यटकांमध्ये उत्सुकता वाढली आहे. संग्रहालयात वाघ, सिंह दाखल झाले असून लवकरच इतर वन्यप्राणी आणले जाणार आहेत. शिवाय 41 एकरात पसरलेल्या संग्रहालयाचा विकास साधण्यात येत आहे. या प्राणी संग्रहालयाला बी. पी. रवी यांनी भेट देऊन पाहणी केली. यावेळी त्यांनी प्राणी संग्रहालयाच्या विकासाबद्दल गौरवोद्गार काढले. यावेळी वनखात्यातर्फे त्यांचा शाल व स्मृतिचिन्ह देऊन सत्कार करण्यात आला. याप्रसंगी उपवनाधिकारी एम. व्ही. अमरनाथ, भुतरामहट्टी आरएफओ राकेश अर्जुनवाड, आरएफओ शिवानंद मगदूम, गोल्याळी आरएफओ श्रीनाथ कडोलकर व अधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
