ऑकलंड : बांगलादेश क्रिकेट संघ सध्या न्यूझीलंडच्या दौऱयावर आला आहे. दरम्यान उभय संघात होणाऱया तीन सामन्यांच्या टी-20 मालिकेसाठी बांगलादेशचा सलामीचा फलंदाज तमीम इक्बाल काही वैयक्तिक कारणांमुळे सहभागी होणार नसल्याची माहिती बांगलादेश क्रिकेट मंडळाच्या प्रवक्त्याने दिली. तमीम इक्बाल हा बांगलादेश वनडे संघाचा कर्णधार आहे. काही वैयक्तिक अडचणीमुळे आपण या मालिकेसाठी उपलब्ध होवू शकणार नाही, असे तमीम इक्बालने बांगलादेशच्या निवड समितीला कळविले होते. या मालिकेसाठी बांगलादेश संघाची अद्याप घोषणा करण्यात आलेली नाही. पण मेहमूदुल्लाकडे संघाचे नेतृत्व दिले जाईल, असा अंदाज आहे. बांगलादेश आणि न्यूझीलंड यांच्यातील तीन सामन्यांच्या वनडे मालिकेला येत्या शनिवारपासून प्रारंभ होत आहे. ही मालिका 26 मार्चला संपणार आहे. त्यानंतर उभय संघातील पहिला टी-20 सामना 28 मार्चला, दुसरा सामना 30 मार्चला आणि तिसरा सामना 1 एप्रिलला होणार आहे. गेल्या वर्षी बांगलादेश संघाने आपली शेवटची टी-20 मालिका झिंबाब्वेविरूद्ध खेळली होती.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
