पंढरपूर / प्रतिनिधी
आमदार भारत भालके यांच्या निधनामुळे पंढरपूर विधानसभा मतदारसंघाची पोटनिवडणूक जाहीर झाली आहे. 17 एप्रिल रोजी पंढरपूर विधानसभा मतदार संघासाठी मतदान होईल. तर 2 मे रोजी या मतदार संघासाठी मतमोजणीचा कार्यक्रम निवडणूक आयोगाच्यावतीने जाहीर करण्यात आला आहे.
या विधानसभा मतदार संघासाठी 23 मार्च पासून उमेदवारी अर्ज दाखल करण्याची प्रक्रिया सुरू होईल. तर 30 मार्च पर्यंत उमेदवारी अर्ज दाखल करता येणार आहेत. 3 एप्रिल पर्यंत उमेदवारी अर्ज मागे घेण्याची मुदत असणार आहे. साधारणपणे 4 एप्रिल ते 15 एप्रिल असा कालावधी या निवडणुकीतील उमेदवारांना प्रचारासाठी मिळणार आहे.
