प्रतिनिधी / तिसवाडी
नावेली-दिवाडी येथील श्री शक्तिविनायक देवस्थानाचा विसावा वर्धापन सोहळा दि. 14 ते 17 पर्यंत विविध धार्मिक व सांस्कृतिक कार्यक्रमांनिशी साजरा करण्यात येणार आहे.
दि. 14 रोजी सकाळी 9 वा. धार्मिक विधी, पूजा, प्रसाद व नंतर दिवाडी बेटावरील प्रत्येक मंदिराला मिरवणुकीने भेट व धार्मिक विधी होतील.
दि. 15 रोजी गणेशजयंतीनिमित्त सकाळी 8.30 गणेश याग, दु. 12.30 वा. गणेश जन्म, सायं. 7.30 वा. पालखी मिरवणूक, आरती, तीर्थप्रसाद व महाप्रसाद होणार आहे. या सोहळय़ाचे यजमान श्री. व सौ. स्वाती सर्वेश नाईक साळगावकर आहेत. सायं. 7.30 वा. श्रींची पालखीतून मंदिराभोवती मिरवणूक, सुहासिनींतर्फे दिपोत्सव, नंतर भजनाचा कार्यक्रम, आरती व तीर्थप्रसाद होईल. दि. 16 रोजी सकाळी 7 ते दु. 12.30 पर्यंत स्वहस्ते अभिषेक, सायं. 7.30 वा. भजन, प्रार्थना, आरती व तीर्थप्रसाद होईल. दि. 17 रोजी सकाळी विविध धार्मिक विधी, दु. आरती, तीर्थप्रसादाने उत्सवाची सांगता होईल. यंदा वेळेनुसार फळावळांची पावणी केली जाईल. मास्क वापरणे बंधनकारक राहील, असे समितीतर्फे कळविण्यात आले आहे.
