ऑनलाईन टीम / देहरादून :
उत्तराखंडात मागील 24 तासात 153 नव्या कोरोना रुग्णांची नोंद झाली. तर 03 जणांनी आपला जीव गमावला आहे. त्यामुळे प्रदेशातील एकूण संख्या 95,192 इतकी आहे.
आरोग्य विभागाकडून मिळालेल्या माहितीनुसार, काल 13,448 नमुने निगेटिव्ह आले. तर देहरादून मध्ये सर्वात जास्त म्हणजेच 71 नवे रुग्ण आढळून आले. अल्मोडा 07, हरिद्वार 19, नैनिताल 36, उधमसिंह नगर 13 आणि उत्तरकाशीमध्ये 04, पौडी गडवाल, पिथौरागड आणि चमोलीमध्ये प्रत्येकी एक रुग्ण आढळला. तर बागेश्र्वर, चंपावत, रुद्रप्रयाग आणि टिहरी जिल्ह्यात एकही रुग्ण आढळला नाही.
दरम्यान, प्रदेशात आतापर्यंत 1622 रुग्णांनी आपला जीव गमावला आहे. तर कालच्या दिवसात 131 रुग्णांना डिस्चार्ज देण्यात आला. तर आता पर्यंत 90,264 रुग्ण कोरोनामुक्त झाले आहेत.
