प्रतिनिधी / सांगली
केंद्र सरकारने घरगुती गॅस सिलिंडरवर भाववाढ केल्याने सामान्य गृहिणींचे कंबरडे मोडले आहे. ह्या भाववाढीमुळे गोरगरिबांवर अन्याय होत असल्याने राष्ट्रवादी महिला काँग्रेस सांगली शहर जिल्हा यांच्यावतीने आज रस्त्यावर चुल मांडून अनोख्या पद्धतीने आंदोलन करण्यात आले. यावेळी गॅस दरवाढ करून सर्वसामान्य नागरिकांच्या खिश्याला कात्री लावणाऱ्या केन्द्र सरकार विरोधात जोरदार घोषणाबाजी करून निषेध करण्यात आला. राष्ट्रवादी महिला आघाडी शहर जिल्हा अध्यक्षा विनया पाठक यांच्या नेतृत्वा खाली हे आंदोलन करण्यात आले. यावेळी ज्योती आदाटे, डाँ. छाया जाधव, अनिता पांगम, वंदना चंदनशिवे, आशा पाटील, जसबीर कौर खंगुरा, जयश्री भोसले, प्रियांका तुपलोंडे, सुनिता लालवानी, जयश्री चौगुले,संध्या आवळे, संगीता मासाळ, अर्चना भोई, सुरेखा मासाळ, संगीता मोठे, वैशाली कांबळे व इतर महिला उपस्थित होत्या.
