प्रतिनिधी / शाहुवाडी
शाहूवाडी तालुक्यातील उचत व जाधववाडी हद्दीतील लांडोबाच्या माळातील जनावरांच्या वाळलेल्या गवतास आकस्मित आग लागून तेरा शेतक-यांचे सुमारे चार लाख रूपये चे आर्थिक नुकसान झाल्यांची नोंद शाहूवाडी पोलिसांत झाली आहे.ही घटना आज दुपारी दोनच्या दरम्यान घडली.
घटनास्थळावरून व पोलिसांतून मिळालेली माहिती अशी की, आज दुपारी लांडोबा माळातील गवताच्या माळातील वळलेल्या गवतास अचानक आग लागल्याचे परिसरातील शेतकऱ्यांच्या निदर्शनास आले.मात्र ऊन व वा-याच्या झोत्यांने आगीने उग्र रूप धारण केले बघता-बघता वळलेले गवत पुर्णपणे आगीच्या भस्मसात झाले.यात रंगराव घेवदे यांच्यासह उचत व जाधववाडी येथील तेरा शेतक-यांचे चार लाख रूपये चे आर्थिक नुकसान झाले. यांची नोंद शाहूवाडी पोलिसांत झाली आहे.वाळके गवत जळून खाक झाल्याने नुकसानग्रस्त शेतकऱ्यांना पुढे चा-यांचा प्रश्न निर्माण होणार आहे.नुकसानग्रस्त शेतक-यांना शासनाकडून नुकसान भरपाई मिळावी.अशी मागणी नुकसानग्रस्त शेतक-यांच्या तून होत आहे.
