पश्चिम विभाग मित्रमंडळातर्फे जाधव-पाटील यांचा सत्कार

बेळगाव : प्राथमिक शिक्षक संघटनेचे उपाध्यक्ष नामदेव जाधव व शिक्षक संघटनेचे सदस्य ईश्वर पाटील यांचा सत्कार पश्चिम विभाग मित्रमंडळाच्यावतीने करण्यात आला. या कार्यक्रमाच्या अध्यक्षस्थानी मुख्याध्यापक डी. व्ही. कुंभार होते. यावेळी शिक्षकांच्या प्रश्नांसाठी तळमळीने काम करू, असे आश्वासन सत्कारमूर्तींनी दिले. इराप्पा दळवी व अभियंते प्रकाश धामणेकर यांच्या हस्ते शाल, श्रीफळ व भेटवस्तू देऊन या दोघांचाही सत्कार करण्यात आला. यावेळी शिक्षक एन. वाय. बेनके, पी. एन. नलावडे यांनीही मनोगत व्यक्त केले. या कार्यक्रमाला शिक्षक नामदेव पाटील, मदन बिजगर्णीकर, परशराम भास्कर, डॉ. मुकुटकर, मनोहर बेळगावकर, एम. ओ. चौगुले, महेश पाटील, नारायण झंगरुचे, जोतिबा बिजगर्णीकर, पांडुरंग सावगावकर, विनायक बामणे, वसंत पाटील, नितीन पाटील, रामलिंग नलावडे, मंडोळकर आदी उपस्थित होते. कार्यक्रमाचे सूत्रसंचालन बी. आर. गावडे यांनी केले. प्रास्ताविक कल्लाप्पा बेळगावकर यांनी केले. शेवटी नामदेव पाटील यांनी आभार मानले.