ऑनलाईन टीम / पॅरिस :
फ्रान्सचे अध्यक्ष इमॅन्युएल मॅक्रॉन यांना कोरोनाची बाधा झाली असून, त्यांनी होम आयसोलेशनमध्ये आहेत. मॅक्रॉन यांच्या कार्यालयाकडून यासंदर्भात माहिती देण्यात आली.
मॅक्रॉन यांच्या कार्यालयाने जारी केलेल्या पत्रकात म्हटले आहे की, मॅक्रॉन यांना कोरोनाची सौम्य लक्षणे दिसू लागल्याने त्यांची कोरोना चाचणी करण्यात आली. त्यांचा कोरोना रिपोर्ट पॉझिटिव्ह आला असून, ते होम आयसोलेशनमध्ये आहेत. त्यांची प्रकृती ठीक असून, ते घरातूनच आपले काम सुरू ठेवणार आहेत.
मॅक्रॉन सात दिवस होम आयसोलेशनमध्ये राहणार आहेत.या कालावधीमध्ये व्हिडीओ कॉलवरुन सर्व बैठकांना आणि चर्चा सत्रांनाही ते उपस्थिती लावणार आहेत. मॅक्रॉन यांच्या संपर्कात आलेले देशाचे पंतप्रधान जीन कास्टेक्स यांच्या कोरोना रिपोर्ट निगेटिव्ह आला आहे.
