प्रतिनिधी / शाहुवाडी
शाहूवाडी तालुक्यातील गोगवे येथे पाटणे फाट्यावर रस्त्याच्या बाजूला उभा असलेल्या दुचाकीला ट्रॅक्टरने पाठीमागून धडक दिली. या अपघातात दुचाकीवरील पती, पत्नी जखमी झाले. उषा शिवाजी पाटील (वय 36) व पत्रकार शिवाजी केरबा पाटील (वय ५०) राहणार कोलोली तालुका पन्हाळा अशी जखमींची नावे आहेत.
घटनास्थळावरून मिळालेल्या माहितीनुसार, शिवाजी पाटील हे आपल्या पत्नी सह गोगवे येथील बहिणीच्या सासु-सासर्‍यांना ऑपरेशन केल्याने बघण्यासाठी निघाले होते. गोगावे येथे आल्यानंतर शेड नजीक रस्त्याच्या बाजूला मोटरसायकल थांबली असता पाठीमागून आलेल्या अज्ञात ट्रॅक्टरने मोटरसायकलला धडक दिली. यात उषा पाटील या गाडीवरून खाली पडल्या तर बाजूला शिवाजी पाटील हे देखील पडले. तातडीने जखमींना मलकापूर ग्रामीण रुग्णालयात दाखल करून पुढील उपचारासाठी कोल्हापूर येथे खाजगी दवाखान्यात दाखल करण्यात आले
ट्रॅक्टर चालकांनी सतर्कता घेणे गरजेची
दरम्यान, पाठीमागून धडक दिलेल्या संबंधित अज्ञात ट्रॅक्टर चालकही तेथे न थांबता निघून गेला. सध्या ऊस वाहतूक जोरात सुरू आहे. परिणामी बांबवडे मलकापूर रस्त्यावर सतत वाहनांची वर्दळ आहे. अशा स्थितीत ट्रॅक्टर चालकांनी सुद्धा सतर्कता घेणे गरजेचे असल्याची प्रतिक्रिया नागरिकांतून उमटत आहे.
