प्रतिनिधी / रत्नागिरी
रत्नागिरी-कोल्हापूर मार्गावरील नाणीज इरमलवाडी येथे ट्रक-कारमध्ये समोरासमोर धडक होवून कारमधील एक जण ठार झाल़ा. ही घटना गुरूवारी रात्री 8 वाजण्याच्या सुमारास घडल़ी कैवल्य अनिल कुलकर्णी (37, ऱा बावधन पुणे) असे अपघातील मृताचे नाव आह़े. तर कारचालक संजय जयकुमार तांबोळी (39, ऱा पिपंरी पुणे) हा जखमी झाला आह़े.
सदर अपघाताची माहिती मिळताच रत्नागिरी ग्रामीण पोलिसाचे पथक घटनास्थळी दाखल झाले होत़े. पोलिसांनी दिलेल्या माहितीनुसार कैवल्य कुलकर्णी व संजय तांबोळी हे कार (एमएच 12 एसई 7618) मधून गणपतीपुळे ते कोल्हापूर असे जात होत़े/ त्यांची गाडी नाणीज इरमलवाडी येथे आली असता समोरून येणारा (एमएच 13 सीयु 8589) ट्रकला त्यांची जोरदार धडक बसल़ी, या अपघातामध्ये कैवल्य कुलकर्णी हे मृत झाल़े, तर संजय हे जखमी झाले असून उपचारासाठी त्याना रत्नागिरी जिल्हा शासकीय रूग्णालयात दाखल करण्यात आले आह़े.
याप्रकरणी पोलिसांनी निष्काळजीपणे वाहन चालवल्याचा ठपका ठेवत संजय तांबोळी यांच्याविरूद्ध गुन्हा दाखल केला आह़े. गुह्याचा पुढील तपास सहाय्यक पोलीस उपनिरिक्षक पाटील करत आहेत़.
