ऑनलाईन टीम / चंदीगड :
पंजाबमध्ये मागील 24 तासात 604 नव्या कोरोना रुग्णांची नोंद झाली. तर 24 जणांचा मृत्यू झाला. त्यामुळे पंजाबमधील कोरोना बाधितांची एकूण संख्या 1 लाख 53 हजार 308 इतका झाला आहे, अशी माहिती आरोग्य विभागाकडून देण्यात आली.
मिळालेल्या माहितीनुसार, काल 518 रुग्णांना डिस्चार्ज देण्यात आला. तर आतापर्यंतच्या एकूण 1,53,308 रुग्णांपैकी 1 लाख 40 हजार 772 रुग्ण कोरोनामुक्त झाले आहेत. तर आतापर्यंत 4 हजार 842 जणांचा कोरोनामुळे मृत्यू झाला आहे.
ताज्या आकडेवारी नुसार, पंजाबमध्ये आतापर्यंत जवळपास 32 लाख 37 हजार 858 टेस्ट करण्यात आल्या आहेत. सद्य स्थितीत 7 हजार 694 रुग्णांवर विविध रुग्णालयात उपचार सुरू आहेत. त्यातील 150 रुग्णांना अक्सिजन सपोर्टवर ठेवण्यात आले आहे. तर 12 जण व्हेंटिलेटरवर आहेत.
- शहर ॲक्टीव्ह रुग्ण
- लुधियाना 939
- जालंधर 1233
- सासनगर 2079
- पटियाला 516
- अमृतसर 703
