प्रतिनिधी / इचलकरंजी :
इचलकरंजीतील आवळे गल्लीत सुरू असलेल्या तीन पानी जुगार अड्ड्यावर पोलिसांनी छापा टाकला. याप्रकरणी अड्डाचालक, दोन कामगारांसह १४ जणांना अटक केली आहे. त्यांच्याकडून १ लाख ३९ हजार ४९० रुपये रोख, ४ दुचाकी, एक चार चाकी गाडी व जुगाराचे साहित्य असा १३ लाखांचा मुद्देमाल जप्त करण्यात आला आहे. ही कारवाई कोल्हापूर स्थानिक गुन्हे अन्वेषण शाखेने शनिवारी रात्री उशिरा केली. याबाबत पोलीस हेड कॉन्स्टेबल अर्जुन वसंतराव बंद्रे यांनी गावभाग पोलिसात तक्रार दाखल केली आहे.
