महान फुटबॉलपटू दिएगो माराडोना कालवश

ब्युनोस आयर्स : जागतिक स्तरावरील महान फुटबॉलपटूंपैकी एक असलेल्या अर्जेन्टिनाच्या दिएगो माराडोना (वय 60) यांचे बुधवारी हृदयविकाराच्या तीव्र झटक्याने निधन झाले. 1986 मध्ये अर्जेन्टिनाला फुटबॉल विश्वचषक जिंकून दिला, हा त्यांच्या कारकिर्दीतील सर्वात महत्त्वाचा माईलस्टोन ठरला. 1986 मधील स्पर्धेतच इंग्लंडविरुद्ध लढतीत त्यांनी केलेला ‘हँड ऑफ गॉड’ गोल तब्बल 4 दशके सातत्याने चर्चेत राहिला आहे. माराडोना यांची प्रकृती अलीकडील बऱयाच कालावधीपासून ठीक नव्हती. दोन आठवडय़ांपूर्वीच मेंदूतील रक्ताच्या गाठीवर शस्त्रक्रिया झाल्यानंतर त्यांना इस्पितळातून डिस्चार्ज देण्यात आला होता.