पॅलेस्टाईन : चर्चाकाराचा मृत्यू

पॅलेस्टाईनचे अनुभवी शांतता चर्चाकार साएब एरेकात यांचा कोरोना संक्रमणामुळे मंगळवारी मृत्यू झाला आहे. 65 वर्षीय एरेकात 30 वर्षांहून अधिक काळापर्यंत आंतरराष्ट्रीय पातळीवर पॅलेस्टिनींची बाजू मांडत राहिले होते. अमेरिकेत शिकलेले एरेकात इस्रायल आणि पॅलेस्टाइन यांच्यात होणाऱया जवळपास प्रत्येक शांतता चर्चेत सामील होते.  साएब हे अनेक वर्षे पाश्चिमात्य प्रसारमाध्यमांमध्ये सक्रीय दिसून आले होते. टू स्टेट सोल्युशनमुळे दशकांपासून चालत आलेला संघर्ष संपविण्यासाठी त्यांनी अथक प्रयत्न केले. ते नेहमीच पॅलेस्टिनी नेतृत्वाचा बचाव करत राहिले आणि कुठल्याही करारापर्यंत न पोहोचण्यासाठी त्यांनी इस्रायलला दोषी ठरविले होते.