बेंगळूर/प्रतिनिधी
सर्वत्र आता उत्सवाची धामधूम सुरु आहे. कोरोनामुळे जरी साध्य पद्धतीने उत्सव साजरे केले जात आहेत. दरम्यान आरपीएफचे महासंचालक अरुण कुमार आणि नैऋत्य रेल्वेचे प्रधान मुख्य सुरक्षा आयुक्त आर.एस. चौहान यांच्या सूचनेनुसार हुबळी येथून धावणाऱ्या गाड्यांमध्ये प्रवास करणार्या महिला प्रवाशांच्या सोयीसाठी नैऋत्य हुबळी विभागाने ‘मेरी सहेली’ नावाची सेवा सुरू केली आहे. उत्सवामुळे विशेष रेल्वे सेवा सुरू झाल्याने महिला प्रवाशांच्या सुरक्षेसाठी ही मोहीम सुरू करण्यात आली आहे.
हुबळी विभागात माझी मैत्रीण मोहीम हुबळी -वास्को द गामा-हजरत निजामुद्दीन-हुबळी -वास्को द गामा एक्सप्रेस विशेष ट्रेन हब्बली-लोकमान्य टिळक टर्मिनस – हुबळी-एक्सप्रेस स्पेशल, हुबळी-विजयवाडा-हुबळी एक्सप्रेस स्पेशल आणि गदग-मुंबई-गदग एक्सप्रेस स्पेशल ट्रेन ही सेवा सुरू केली गेली आहे. माझी मैत्रीण अभियाना अंतर्गत महिला उपनिरीक्षक आणि महिला हेड कॉन्स्टेबल यांच्या नेतृत्वात आरपीएफ कार्यसंघ सदस्य ट्रेनमध्ये जाण्यापूर्वी सर्व बोगीमध्ये प्रवेश करीत आहेत, महिला प्रवाशांची ओळख करुन घेतात, विशेषत: एकट्या प्रवास करणाऱ्या महिलांची ओळख करुन त्यांना सुरक्षेसंबंधित माहिती पुरवत आहेत तसेच मदत हवी असल्यास १८२ नंबर विषयी माहिती देत आहेत.
अधिक माहितीसाठी, ७०२२६२६९८७ या मोबाईल क्रमांकाशी संपर्क केल्यास संबंधित माहिती देखील देत आहे. महिला प्रवाशांना सुरक्षा पुरविण्यात ही मोहीम यशस्वी ठरली आहे.
