ऑनलाईन टीम / वॉशिंग्टन :
अमेरिकेत बेकायदा वास्तव्य केल्याप्रकरणी 11 भारतीय विद्यार्थी आणि 4 परदेशी विद्यार्थी अशा एकूण 15 जणांना अमेरिकेच्या इमिग्रेशन अंड कस्टम्स एनफोर्समेंटने अटक केली आहे.
‘ऑप्शनल प्रॅक्टिकल ट्रेनिंग’ कोर्सचा बेकायदा वापर करून हे विद्यार्थी अमेरिकेत राहत होते. ओपीटीअंतर्गत विदेशी विद्यार्थ्यांना त्यांच्या शिक्षणाशी संबंधित क्षेत्रात अमेरिकेत एक वर्षापर्यंत काम करण्याची परवानगी मिळते. जर विद्यार्थी ‘एसटीईएम’ पर्यायी प्रॅक्टिकल प्रशिक्षणात सहभागी झाला तर त्याला आणखी 24 महिने देशात काम करण्याची संधी दिली जाते. मात्र, अटक करण्यात आलेल्या विद्यार्थ्यांनी अस्तित्वात नसलेल्या कंपन्यांमध्ये काम करत असल्याचा दावा केला होता. ही बाब उघड झाल्यावर त्यांना अटक करण्यात आली.
अटक करण्यात आलेल्या 11 भारतीय विद्यार्थ्यांबरोबर लिबियाचे दोन, सेनेगल आणि बांग्लादेशच्या प्रत्येकी एका विद्यार्थ्यांचा असा एकूण 15 जणांचा समावेश आहे.
