प्रतिनिधी / सातारा
स्वराज्यरक्षक संभाजी” या मालिकेमध्ये आपल्या अभिनयाची छाप पाडत ’राणूआक्कासाहेब’ यांची भूमिका जिवंत केलेली अभिनेत्री अश्विनी महांगडे या प्रेक्षकांना एका वेगळ्या भूमिकेत दिसणार आहेत. स्टार प्रवाह या वाहिनीवरील “आई कुठे काय करते” या मालिकेतून आता एक नवीन भूमिका घेऊन त्या येत आहेत.
त्यांनी केलेली स्वराज्य रक्षक संभाजी महाराज या मालिकेतील रानुआक्का साहेब ही दमदार भूमिका लोकांच्या मनावर ठसा उमटवून गेली.
अभिनेत्री अश्विनी महागंडे या वाई (सातारा) येथील असून त्यांची महिलांविषयी असलेल्या अडचणी त्यांनी “महावारी” या वेबसिरीज मध्ये मांडल्या होत्या त्यामुळे ज्या गोष्टी महिलांना बोलताना लाज वाटत असे त्या गोष्टी धाडसाने व्यक्त कशा कराव्या हे स्पष्ट केले होते. त्यामुळे ही वेबसिरीज देखील चांगली गाजली आहे. त्याचबरोबर सध्या त्या महिलांवरील कौटुंबिक हिंसाचारापासून रक्षण करणाया कायद्याविषयी जनजागृती करत आहेत. अशी सामाजिक बांधिलकी जपणारी गुणी अभिनेत्री पुन्हा सद्या स्टार प्रवाह वर गाजत असलेल्या “आई कुठे काय करते” या मालिकेतून प्रेक्षकांच्या भेटीला येत आहे.
