नव्याने 26 रूग्ण, एकाचा मृत्यू
प्रतिनिधी / रत्नागिरी
जिल्ह्यात कोराना रूग्णांचे संख्येत सातत्याने घट होताना दिसून येत आहे. मंगळवारी करण्यात आलेल्या कोरोना चाचण्यांमध्ये केवळ 26 रूग्ण आढळून आले आहेत तर एका रूग्णाचा मृत्यू झाल्याची नोंद करण्यात आली आहे. कोरोना रूग्णांचे प्रमाण कमी झाले असले तरी नागरिकांनी दक्षता पाळणे आवश्यक असल्याचे आवाहन जिल्हा आरोग्य विभागाकडून करण्यात आले आहे. जिल्हा शासकीय रूग्णालयाकडून मिळालेल्या माहितीनुसार मंगळवारी 50 कारोनापासून बरे झालेल्या रूग्णांना घरी सोडण्यात आले यामुळे कोरोनामुक्त झालेल्यांची एकूण संख्या 7 हजार 215 इतकी झाली आहे तर जिल्ह्यातील बरे होण्याचे प्रमाण आता 89.46 वर गेले आहे.
नव्याने आढळून आलेल्या रूग्णांमध्ये
आरटीपीसीआर टेस्टमध्ये 10 तर ऍन्टीजेन टेस्टमध्ये 16 कोरोनाबाधित रूग्ण आढळून आले आहेत. यामध्ये रत्नागिरी 16, चिपळूण 02, गुहागर 01, राजापूर 01, खेड 01, संगमेश्वर 05 अशी तालुकानिहाय आकडेवारी आहे. मंगळवारी 1 कोरोनाबाधित रूग्णांचा उपचारादरम्यान मृत्यू झाला. जिल्ह्यातील कारोनामुळे झालेल्या मृत्यूंची संख्या आता 296 इतकी झाली आह़े तर जिल्ह्यातील मृत्यूदर आता 3.67 इतका झाला आह़े
गुरूवारी झालेल्या मृत्यूमध्ये
दापोली येथील 45 वर्षीय महिलेचा उपचारादरम्यान मृत्यू झाला असल्याची माहिती जिल्हा शासकीय रूग्णालयाकडून देण्यात आली आहे. मृतांच्या तालुकानियाह आकडेवारीचा विचार करता रत्नागिरी सर्वाधिक 79, खेड 49, गुहागर 11, दापोली 32, चिपळूण 71, संगमेश्वर 30, लांजा 10, राजापूर 12 तर मंडणगडमध्ये 02 असे एकूण 296 जणांचा आतापर्यंत कारोनामुळे मृत्यू झाला आह़े
एकूण रूग्ण-8065
नवे रूग्ण -26
नवे मृत्यू -01
एकूण मृत्यू -296
