प्रतिनिधी / चिपळूण
चिपळूण तालुक्यात शनिवारी दोन वेगवेगळ्या घटनांत तनाळी – बौध्दवाडीतील एका प्रौढाने आजारपणाला कंटाळून सार्वजनिक विहिरीत उडी घेऊन, तर शहरातील पाग – रानडेआळीत विवाहितेने गळफास घेऊन आत्महत्या केली.
तनाळी – बौध्दवाडीतील अनंत दगडू कदम ( 31, तनाळी-बौध्दवाडी ) यांनी आजारपणाला कंटाळून शनिवारी सकाळी 11.30 वाजण्याच्या सुमारास सार्वजनिक विहिरीत उडी घेऊन आत्महत्या केली. याबाबतची फिर्याद दर्शना दगडू कदम (55, तनाळी-बौध्दवाडी) यांनी दिली आहे. अधिक तपास पोलीस नाईक लालजी यादव करीत आहेत.
विवाहितेची आत्महत्या शहरातील पाग – रानडे आळीतील विवाहिता पिती संदेश गोरिवले (25, पाग-रानडेआळी, चिपळूण ) यांनी घरात गळफास घेऊन शनिवारी सकाळी 8 वाजण्याच्या सुमारास आत्महत्या केली. याबाबतची फिर्याद ओंकार राजेंद्र सावंत ( पाग-रानडेआळी ) यांनी दिली. आत्महत्येचे कारण अद्याप स्पष्ट झालेले नाही. अधिक तपास सहाय्यक पोलीस फौजदार पी. एल. चव्हाण करीत आहेत.
