ऑनलाईन टीम / मुंबई :
हाथसर सामूहिक बलात्कार प्रकरणावरून उत्तर प्रदेशचे मुख्यमंत्री योगी आदित्यनाथ यांच्यावर सर्व स्तरावरून टीका होत आहे. आता महाराष्ट्र राज्याचे गृहमंत्री अनिल देशमुख यांनी देखील योगी आदित्यनाथ यांच्यावर टीका केली आहे.
उत्तर प्रदेशात आता कायद्याचे राज्य राहिले नसून, राज्यात फक्त ‘जंगलराज’ आहे, असा टोला गृहमंत्री अनिल देशमुख यांनी लगावला.
ते म्हणाले, गेल्या काही महिन्यापासून योगी आदित्यनाथ हे दुसऱ्यांना सल्ले देत होते. मात्र त्रास योगी सरकारच्या यूपीत जंगलराज आहे, सर्व प्रथम त्यांनी आपल्या राज्यातील गुन्हेगारीवर लक्ष केंद्रित करावे आणि जंगलराजावर कडक कारवाई करावी, असा सल्ला देखील दिला आहे.
दरम्यान, उत्तर प्रदेशातील हाथरस येथे झालेल्या सामुहिक बलात्कारातील 22 वर्षीय दलित तरूणीचा बुधवारी सकाळी दिल्लीमध्ये उपचारादरम्यान मृत्यू झाला. यानंतर मध्यरात्री पोलिसांकडून पिडीतेवर अंत्यसंस्कार करण्यात आले.
