पुलाची शिरोली / वार्ताहर
शिरोली गावात ग्रामीण रुग्णालय तसे प्राथमिक आरोग्य केंद्रा अंतर्गत उपकेंद्र मंजूर व्हावे. अशी मागणी शिरोली ग्रामपंचायतीने आरोग्य राज्यमंत्री डॉ. राजेंद्र पाटील यड्रावकर यांचेकडे केली आहे.
शिरोली औद्योगिक वसाहतीमुळे गावाचा प्रचंड विस्तार झाला आहे. नवीन उपनगरे निर्माण झाली आहेत. त्यामुळे आरोग्य केंद्रात येण्यासाठी रुग्णांची ससेहोलपट होत आहे. त्यामुळे ग्रामीण रुग्णालय व माळवाडी ( राजर्षी छत्रपती शाहू नगर) व यादववाडी या दोन भागात आरोग्य उपकेंद्र सुरू करावे. अशी मागणी निवेदनाद्वारे करण्यात आली आह . या मागणीचे निवेदन राजेंद्र पाटील-यड्रावकर (आरोग्य राज्यमंत्री ) यांना सरपंच शशिकांत खवरे ,उपसरपंच सुरेश यादव ,ग्राम विकास अधिकारी ए. एस. कठारे, महेश चव्हाण , ग्रामपंचायत सदस्य प्रकाश कौंदाडे, सलीम महात बाजीराव पाटील यांच्या उपस्थितीत देण्यात आले.
