ऑनलाईन टीम / बोगोटा :
कोलंबियात कोरोनाबळींची संख्या 25 हजारांच्या उंबरठ्यावर पोहचली आहे. कोलंबियात आतापर्यंत 7 लाख 90 हजार 823 जणांना कोरोनाची बाधा झाली आहे. त्यामधील 24 हजार 924 जणांचा मृत्यू झाला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
कोलंबियात गुरुवारी 6 हजार 555 नवे कोरोना रुग्ण आढळून आले. तर 178 जणांचा मृत्यू झाला आहे. आतापर्यंत 6 लाख 74 हजार 961 रुग्ण या आजारातून बरे झाले असून, त्यांना डिस्चार्ज देण्यात आला आहे. सध्या 90 हजार 938 रुग्णांवर उपचार सुरू आहेत. त्यामधील 863 रुग्णांची प्रकृती चिंताजनक आहे.
कोरोना रुग्णवाढीच्या संख्येत कोलंबियाचा जगात पाचवा क्रमांक लागतो. कोलंबियात आतापर्यंत 35 लाख 34 हजार 650 कोरोना चाचण्या करण्यात आल्या आहेत. कोरोना रुग्णवाढीच्या संख्येत अमेरिका पहिल्या, भारत दुसऱ्या तर ब्राझील तिसऱ्या क्रमांकावर आहे.
