ऑनलाईन टीम / मुंबई :
महाराष्ट्रात गेल्या 24 तासात 159 पोलिसांना कोरोनाची लागण झाली. तर आतापर्यंत 21 हजार 311 पोलिसांना कोरोनाची बाधा झाली आहे. तर आतापर्यंत 222 पोलिसांनी आपला जीव गमावला आहे. त्यामुळे पोलिसांमध्ये सध्या भीतीचे वातावरण निर्माण झाले आहे.
मिळालेल्या माहितीनुसार, आतापर्यंत आढळलेल्या 21,311 कोरोनाबाधित पोलिसांमध्ये 2326 पोलीस अधिकारी आणि 18,985 कर्मचाऱ्यांचा समावेश आहे. तर आतापर्यंत 17 हजार 434 पोलीस कर्मचाऱ्यांनी कोरोनावर यशस्वीरित्या मात केली असून त्यांना घरी सोडण्यात आले आहे. यामध्ये 1848 पोलीस अधिकारी आणि 15,586 पोलीस कर्मचाऱ्यांचा समावेश आहे.
- 3655 पोलिसांवर उपचार सुरु
सद्यस्थितीत राज्यात 3655 कोरोनाबाधित पोलीस कर्मचाऱ्यांवर विविध रुग्णालयात उपचार सुरु आहेत. यामध्ये 455 पोलीस अधिकारी आणि 3200 पोलीस कर्मचाऱ्यांचा समावेश आहे. तर आतापर्यंत कोरोनामुळे 222 जणांचा मृत्यू झाला आहे. यामध्ये 23 पोलीस ऑफिसर आणि 199 पोलीस कर्मचाऱ्यांचा समावेश आहे.
