ऑनलाईन टीम / लखनऊ :
उत्तरप्रदेशातील आझमगडमध्ये खराब हवामानामुळे हेलिकॉप्टर कोसळले. या दुर्घटनेत प्रशिक्षणार्थी पायलटचा जागीच मृत्यू झाला आहे. सायरामीर भागातील कुसहां गावाजवळ सकाळी 11.20 वाजण्याच्या सुमारास ही दुर्घटना घडली.
कोणार्क सरन असे मृत प्रशिक्षणार्थी पायलटचे नाव आहे. दुुर्घटनाग्रस्त हेलिकॉप्टर पासून 2 किमी अंतरावर या पायलटचा मृतदेह आढळला.
दुर्घटनाग्रस्त हेलिकॉप्टर हे अमेठीतील इंदिरा गांधी राष्ट्रीय उड्डाण ॲकॅडमीचे आहे. या हेलिकॉप्टरमध्ये चार लोक होते. त्यामधील प्रशिक्षणार्थी पायलटचा जागीच मृत्यू झाला. एक जण जखमी झाला आहे. तर हेलिकॉप्टर कोसळताना दोघांनी पॅराशूटच्या मदतीने उडी घेतली आहे. घटनास्थळी पोलीस आणि प्रशासकीय विभागाकडून बचावकार्य सुरू आहे.
