प्रतिनिधी / पणजी
इव्हेंटजक्राफ्ट माईस ऍण्ड मिडिया सोल्युशन्सतर्फे क्रिएटिव्ह कीडा आणि रोटरेक्ट यांच्या सहकार्याने राष्ट्रीय स्तरावर आयोजित केलेल्या ऑनलाईन पेंटिंग स्पर्धेमध्ये मडगाव येथील कालिदास सातार्डेकर यांच्या जलरंगामधील ‘मालवण किल्ला’ या चित्राला व्यावसायिक विभागात दुसरे पारितोषिक प्राप्त झाले आहे. तसेच पहिले पारितोषिक मुंबई येथील राधिका गायतोंडे यांना प्राप्त झाले आहे. सातार्डेकर यांनी आतापर्यंत पाच आंतरराष्ट्रीय प्रदर्शनामध्ये आपली कला सादर केली आहे. रंग संगतर्फे अत्यंत कौतुकास्पद पुरस्कार, तसेच 8 राज्य कला पुरस्कार प्राप्त झाले आहेत. याशिवाय दोन आंतरराष्ट्रीय पुरस्कार प्राप्त झाला आहे. तसेच अबु रवश आंतरराष्ट्रीय कौतुकास्पद पुरस्कार व इतर पुरस्कार प्राप्त झाले आहेत.
