राधानगरी / प्रतिनिधी
राधानगरी धरणाच्या पाणलोट क्षेत्रात पावसाचा जोर कमी झाल्यामुळे रात्री 12.30 वा. सुरू असलेले दोन स्वयंचलित दरवाजे बंद झाले असून फक्त विजगृहातून 1400 क्यूसेक्स पाण्याचा विसर्ग भोगावती नदीपात्रात होत आहे. आज सकाळी संपलेल्या चोवीस तासात ५८ मिमी पाऊस झाला असून जूनपासून आज अखेर ३७२५ मिमी पावसाची नोंद झाली आहे. गेल्या पाच सहा दिवसांपासून मुसळधार पावसामुळे धरणाचे चार दरवाजे खुले झाले होते, त्यामुळे पूरस्थिती निर्माण झाली होती. दरम्यान पावसाचा जोर कमी झाल्याने दोन दिवसांपूर्वी दोन दरवाजे बंद झाले होते. उर्वरित दोन दरवाजे आज रात्री बंद झाले.
