कोल्हापूर : हळदी येथे मोबाईल शॉपीत चोरी

प्रतिनिधी / हळदी

हळदी ता.करवीर येथील छ . शिवाजी महाराज चौकातील सरस्वती मोबाईल शॉपी मध्ये लॉकडाऊनच्या काळात चोरी झाली आहे. अज्ञात चोरटय़ाने दुकानाचा पत्रा उचकटून सुमारे साडेतीन लाखाच्या किमतीचे मोबाईल लंपास केले आहेत. याची नोंद करवीर पोलीस ठाण्यात झाली आहे. 
अधिक माहिती अशी की बाचणी (ता.करवीर) येथील महेश जाधव यांची सरस्वती मोबाईल शॉपी हे दुकान लॉकडाऊनमुळे बंद होते. आज सकाळी महेश जाधव हे दुकानात आले आता हा प्रकार उघडकीस आला. चोरट्यांने दुकानाचा पत्रा उचकटून आता प्रवेश करुन चोरी केल्याचे उघड झाले. पोलीस अधिक तपास करत आहेत.