प्रतिनिधी
बेळगाव
कोरोना महामारीचा धोका वाढत चालला आहे. केवळ सहा दिवसांत शहर व जिल्हय़ात कोरोनामुळे पाच जण दगावले आहेत. शनिवारी दिवसभरात दोघा जणांचा मृत्यू झाला आहे. या दोन्ही मृतदेहांवर रविवारी दुपारी बेळगावात दफनविधी करण्यात आले.
कुडची, ता. रायबाग येथील एका 70 वषीय वृद्धाला श्वसनाचा त्रास जाणवल्याने शनिवारी पहाटे त्याला सिव्हिल हॉस्पिटलमध्ये दाखल करण्यात आले होते. सायंकाळी साडेपाच वाजण्याच्या सुमारास त्याचा मृत्यू झाला. दोन दिवसांपासून त्याला खोकला आणि श्वसनाचा त्रास सुरू झाला होता. दाखल होताच त्याचे स्वॅब तपासणीला पाठविले होते. या वृद्धाचा कोरोनामुळे मृत्यू झाल्याचे स्पष्ट झाले आहे.
