ऑनलाईन टीम / नवी दिल्ली :
देशात गेल्या चोवीस तासात आत्तापर्यंतचे सर्वाधिक कोरोना व्हायरस रुग्ण आढळले आहेत. पहिल्यांदाच एवढ्या मोठ्या प्रमाणात कोरोनाग्रस्त आढळले आहेत. गेल्या चोवीस तासांमध्ये 1334 नवे रुग्ण वाढले आहेत. त्यामूळे देशातील एकूण संख्या 15 हजार 712 वर पोहोचली आहे.
देशात कोरोनामुळे आतापर्यंत 507 जणांनी आपला जीव गमावला आहे. सध्या 12 हजार 974 जणांवर उपचार सुरू असून 2230 जणांना प्रकृती सुधरल्यामुळे घरी सोडण्यात आले आहे.
गेल्या 24 तासात वाढलेल्या 1334 रुग्णांमधील 27 जणांचा मृत्यू झाला आहे. तर 239 रुग्ण बरे झाले आहेत. देशात आत्तापर्यंत जवळपास साडेतीन लाख लोकांची कोरोना चाचणी करण्यात आली आहे.
तसेच सध्या महाराष्ट्रात कोरोनाबाधितांची संख्या सर्वाधिक आहे. महाराष्ट्रात कोरोना रुग्णांची संख्या 3 हजार 648 आहे. शनिवारी महाराष्ट्रात 328 नवे रुग्ण आढळले. तर अकरा लोकांचा मृत्यू झाला. महाराष्ट्रात एकूण मृत्यू झालेल्यांची संख्या 211 आहे. तर आत्तापर्यंत 365 रुग्ण बरे झालेे आहेत.
