कुटुंबीयांसोबत ऐतिहासिक मालिका पाहणाऱयांची छायाचित्रे प्रसारित
प्रेक्षकांच्या आग्रहास्तव दूरदर्शनवर शनिवारपासून रामायण या महामालिकेचे प्रसारण सुरू झाले आहे. रामानंद सागर यांच्या दिग्दर्शनात तयार झालेल्या रामायणचे प्रसारण सुरू करण्याची मागणी समाजमाध्यम वापरकर्ते सातत्याने करत होते. सरकारने रामायणसह बी.आर. चोप्रा यांच्याकडून दिग्दर्शित महाभारतचे प्रसारणही सुरू केले आहेत.
शनिवारी प्रसारणापासूनच ट्विटवर रामायण ट्रेंड होऊ लागले आहे. रामायणासंबंधी सकाळी 11.40 वाजेपर्यंत 65 हजारपेक्षा अधिक वापरकर्त्यांनी ट्विट केले आहेत. सकाळी साडे ाखअकरा वाजेपर्यंत हॅशटॅग डीडी नॅशनलसह दूरदर्शन टॉप-3 मध्ये ट्रेंड करत होते. यासंबंधी 6703 ट्विटस करण्यात आले आहेत. समाजमाध्यमांवर वापरकर्त्यांनी रामायण पाहतेवेळी कुटंबीयांसोबतची छायाचित्रे प्रसारित केली आहेत.
