प्रतिनिधी / बेळगाव
जिल्हा पंचायतीच्या अध्यक्षा आशा ऐहोळे यांना महाराष्ट्र जर्नालिस्ट फौंडेशनच्यावतीने ‘नवदुर्गा सन्मान’ पुरस्काराने गौरविण्यात आले. जागतिक महिला दिनानिमित्त शनिवारी शाहू स्मारक भवन, दसरा चौक, टाऊन हॉलजवळ, कोल्हापूर येथे सन्मान सोहळय़ाचे आयोजन करण्यात आले होते. राजकीय व सामाजिक क्षेत्रात केलेल्या भरीव कार्याबद्दल हा पुरस्कार देण्यात आला. खासदार निवेदिता माने, अरुंधती महाडिक, सुजाता पेंडसे, रंजना बारहाते, रचना पाटील यांच्यासह फौंडेशनचे पदाधिकारी उपस्थित होते. यावेळी आशा ऐहोळे यांच्यासह विविध राज्यातून आलेल्या उद्योगात यशस्वी ठरलेल्या 30 हून अधिक महिलांचाही पुरस्कार देऊन सत्कार करण्यात आला.
