केपटाऊन / वृत्तसंस्था
जो डेन्ली (103 चेंडूत 6 चौकार, 2 षटकारांसह 87), ख्रिस वोक्स (42 चेंडूत 40) यांनी फटकेबाजी केल्यानंतर इंग्लंडने दक्षिण आफ्रिका दौऱयातील आपल्या पहिल्या वनडे सामन्यात यजमान संघाविरुद्ध 50 षटकात 8 बाद 258 धावा जमवल्या. सलामीवीर जेसॉन रॉयने 32 धावा जमवल्यानंतर बेअरस्टो (19), जो रुट (17), कर्णधार इयॉन मॉर्गन (11) स्वस्तात बाद झाले. दक्षिण आफ्रिकन संघातर्फे शमसीने 10 षटकांचा कोटा पूर्ण करत 38 धावात 3 बळी घेतले तर हेन्ड्रिक्स, स्मट्स, पेहलुकवायो, सिपामिया यांनी प्रत्येकी 1 गडी बाद केला.
संक्षिप्त धावफलक : इंग्लंड 50 षटकात 8 बाद 258. (जो डेन्ली 103 चेंडूत 6 चौकार, 2 षटकारांसह 87, ख्रिस वोक्स 42 चेंडूत 40, जेसॉन रॉय 32. शमसी 10 षटकात 3-38).
