कुंभोज/प्रतिनिधी
राज्यस्तरीय अबॅकस स्पर्धेत प्रेरणा तुषार कोळी प्रथम क्रमांक पटकावला. कुंभोज तालुका हातकणंगले येथील रयत गुरुकुल पब्लिक स्कूलची ती विद्यार्थिनी आहे. इचलकरंजी येथील अल्फोन्सा स्कूलमध्ये नुकत्याच ह्या स्पर्धा पार पडल्या. स्पर्धेत सुमारे तीन हजार विद्यार्थी सहभागी झाले होते.
प्रेरणा कोळी हीला आजोबा विश्वास कोळी, वडील माजी उपसरपंच तुषार कोळी, स्वाती पाटील, शिवराज पाटील, प्रदीप चौगुले यांचे मार्गदर्शन लाभले. तिच्या या यशाबद्दल कुंभोज व परिसरात सर्वत्र तिचे कौतुक होत आहे. तिने मिळवलेल्या यशाबद्दल ग्रामपंचायत कुंभोज शिवसेना कुंभोज यांच्यावतीने तिचा सत्कार करण्यात आला.
