नागशांती हुंडाई शोरुममध्ये हुंडाई वेन्यू कारचा शुभारंभ

बेळगाव : हुंडाई वेन्यू या नव्या कारचा खानापूर रोड, उद्यमबाग येथील नागशांती हुंडाई शोरुममध्ये बुधवार दि. 5 रोजी सायंकाळी मोठ्या थाटात शुभारंभ करण्यात आला. युवा काँग्रेस नेते मृणाल हेब्बाळकर यांच्या हस्ते केक कापून नवीन कार ग्राहकांसाठी उपलब्ध करून देण्यात आली. यावेळी उपस्थित ग्राहकांनी कारची पाहणी करून नव्या फिचर्सची माहिती जाणून घेतली. सुरुवातीला नागशांती हुंडाईचे संचालक किरण एस.अगडी यांनी प्रमुख पाहुणे म्हणून उपस्थित असलेले काँग्रेस नेते मृणाल हेब्बाळकर यांचे स्वागत करून हुंडाई वेन्यू या नवीन कारची माहिती दिली. त्याचबरोबर शोरुमच्या आजपर्यंतच्या वाटचालीची माहिती करून दिली. प्रमुख पाहुणे मृणाल हेब्बाळकर यांनी नागशांती हुंडाईसोबत आपल्या कुटुंबाचे जुने संबंध आहेत, कॉलेज जीवनात याच शोरुममधून आपण आय-20 कार घेतली होती. अनेक तालुक्यांमध्ये नागशांतीच्या शोरुम आहेत. भविष्यातही त्यांची अशीच प्रगती होत जावो, अशी सदिच्छा व्यक्त केली. यावेळी हुंडाई वेन्यू कारच्या नवीन फिचर्सची माहिती उपस्थित ग्राहकांना देण्यात आली. जनरल मॅनेजर विजय करडी, सेल्स हेड गिरीष भुजन्नावर, सेल्स मॅनेजर अभिजीत पवार, रुरल सेल्स मॅनेजर मौला अली नालबंद, सर्व्हिस हेड प्रवीण पाटील यांच्यासह कर्मचारीवर्ग व ग्राहक उपस्थित होते.