नंदगड : कर्नाटक सरकारतर्फे नंदगड येथील क्रांतिवीर संगोळ्ळी रायण्णा समाधीस्थळी व फाशीस्थळी राबविण्यात येत असलेल्या विकासकामांची पाहणी राज्याचे मंत्री शिवराज तंगडगी यांनी केली. त्यांच्यासमवेत गॅरंटी अनुष्ठान योजनेचे राज्य अध्यक्ष एच. एम. रेवण्णा, कर्नाटक कृषी बेले आयोगाचे अध्यक्ष अशोक दळवाई, संगोळ्ळी रायण्णा प्राधिकरणाचे अधिकारी उपस्थित होते. नंदगड येथील कमल तलावात संगोळ्ळी रायण्णा यांचा पुतळा उभारण्यात आला आहे. शिवाय फाशीस्थळी रायण्णा यांचे जीवनपट दर्शविणारे म्युझीयम उभारण्यात आले आहे. वरील दोन्ही कामे अंतिम टप्प्यात आहेत. माननिय मुख्यमंत्री सिद्धरामय्या यांच्या हस्ते लवकरच वरील दोन्ही विकासकामांचे उद्घाटन होणार आहे. त्यासाठी कामकाजाची पाहणी करण्यासाठी मंत्री शिवराज तंगडगी यांनी मंगळवारी नंदगड येथे भेट दिली. शिवाय नंदगड येथील समाधीस्थळी संगोळ्ळी रायण्णा यांना युद्धाच्या वेळी साथ दिलेल्या सात साथीदारांचे पुतळे उभारण्याचा विचार आहे. तसेच येथे येणाऱ्या विद्यार्थी व प्रवाशांसाठी बसण्याची सोय करण्यात येणार आहे. यासाठीचा आराखडा बनविण्याची सूचना संबंधिताना मंत्री तंगडगी यांनी केली. यावेळी ग्रा. पं. अध्यक्ष यल्लाप्पा गुरव, गॅरंटी अनुष्ठान योजनेचे तालुका अध्यक्ष सूर्यकांत कुलकर्णी, ता. पं. कार्यकारी अधिकारी रमेश मेत्री व विविध खात्यांचे अधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
