बेळगाव : राज्य सरकारने 1 एप्रिल 2006 पूर्वीच्या अनुदानित कर्मचाऱ्यांना जुनी पेन्शन लागू करावी, निवृत्त कर्मचारी, मृतांचे नातेवाईक व राजीनामा दिलेल्या तसेच सेवेत असलेल्या नोकरांना समस्या निर्माण होत आहेत. यासाठी सरकारने सदर कर्मचाऱ्यांना जुनी पेन्शन देऊन दिलासा देण्याची मागणी अनुदानित शाळा, महाविद्यालय व शिक्षक संघटनेच्यावतीने करण्यात आली. याबाबतचे निवेदन जिल्हाधिकाऱ्यांना देण्यात आले. 1 एप्रिल 2006 पूर्वी नियुक्ती केलेल्या अनुदानित कर्मचाऱ्यांना जुनी पेन्शन मंजूर करण्याबाबत राज्य सरकारने एप्रिल 2006 पूर्वी आधीसूचना जारी केली आहे. तसेच कर्तव्यावर हजर झालेल्या सरकारी कर्मचारी व महामंडळाच्या कर्मचाऱ्यांना जुनी पेन्शन लागू करण्याचा निर्धार मंत्रिमंडळ बैठकीत घेण्यात आला. आम्हाल जुनी पेन्शन देण्याबाबत अनेक महामेळावे घेण्यात आले. यामध्ये वेतन थकबाकी न देता जुनी पेन्शनच लागू करण्याचा निर्णय एकमताने घेण्यात आला होता. त्यानुसार राज्य सरकारने अनुदानित कर्मचाऱ्यांना जुनी पेन्शनच लागू करण्याची मागणी निवेदनाद्वारे करण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
