हिंडलगा येथे दुर्गामाता दौड चैतन्यमय वातावरणात

हिंडलगा : विजयादशमीनिमित्त नवरात्रोत्सवात दुर्गादौडीस मोठ्या उत्साहात प्रारंभ करण्यात आला. दौडीचे 28 वे वर्ष आहे. येथील रामदेव गल्लीतील अश्वारूढ छत्रपती शिवाजी महाराजांच्या मूर्तीसमोर सकाळी 6वाजता या दौडचा शुभारंभ करण्यात आला. अश्वारूढ शिवरायांच्या मूर्तीचे पूजन मान्यवरांच्या हस्ते करण्यात आले. सर्वांनी प्रेरणामंत्र म्हटला. ग्रामपंचायत अध्यक्षा मीनाक्षी हित्तलमणी यांच्या हस्ते ध्वजपूजन व आरती कडोलकर यांच्या हस्ते राजमुद्रा पूजन करून शुभारंभ केला.  दुर्गादौड गावातील प्रमुख गल्ल्यातून फिरून मराठी शाळेजवळून लक्ष्मीनगर येथून बेळगाव राकसकोप मार्गावरून शिवम्नगर या ठिकाणी ध्येयमंत्राने सांगता झाली.  शिवम्नगर येथील नागरिकांकडून दुर्गादौडीचे स्वागत फुलांची उधळण करून केले. प्रत्येकांच्या अंगणात रांगोळी घालून परिसर सजवण्यात आला होता. सर्वत्र भगव्या पताका लावून भगवेमय वातावरण निर्माण करण्यात आले होते. दौडीत लहानापासून थोरापर्यंत सर्वांचा सहभाग होता.