बेळगाव : गेल्या अनेक वर्षापासून दुर्लक्षित राहिलेल्या फुलबाग गल्ली येथील रस्त्याच्या काँक्रिटीकरणाला अखेर सुरुवात केली आहे. आमदार असिफ सेठ यांच्या निधीतून हे काम हाती घेण्यात आले असल्याने नागरिकांतून समाधान व्यक्त केले जात आहे. फोर्ट रोडसह फुलबाग गल्लीतील रस्त्याची दुरवस्था झाली होती. मात्र रस्त्यांच्या दुरुस्तीकडे दुर्लक्ष केले होते. यंदा पावसाळ्यात वाहनचालकांना अनेक समस्यांना तोंड द्यावे लागले होते. ही बाब लक्षात येताच आमदार असिफ सेठ यांनी स्वत: फोर्ट रोडची अधिकाऱ्यांसमवेत पाहणी केली होती. त्यानुसार आमदार निधीतून फोर्टरोडचे काँक्रिटीकरण केले आहे. यानंतर आता फुलबाग गल्लीच्या काँक्रिटीकरणाला सुरुवात केली आहे. अनेक वर्षांपासून दुर्लक्षित राहिलेल्या रस्त्याच्या कामाला सुरुवात झाल्याने नागरिकांतून समाधान व्यक्त केले जात आहे. यासाठी नगरसेविका पूजा इंद्रजीत पाटील यांनी देखील परिश्रम घेतले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
