वृत्तसंस्था/ टोकियो
2025 च्या विश्व अॅथलेटिक्स चॅम्पियनशिप स्पर्धेत अमेरिकेने महिलांच्या 4×400 मी. रिले प्रकारात पावसाचा अडथळा येऊनही सुवर्णपदक पटकाविले.
रविवारी रात्री या क्रीडा प्रकारावेळी जोरदार पावसाच्या सरी आल्याने बराच अडथळा निर्माण झाला. पण अमेरिकेच्या महिला धावपटू सिडनी मॅक्लॉगेन आणि लेव्हरोनी यांनी अंतिम टप्पा गाठताना जमैकाच्या धावपटूंना मागे टाकले. मॅक्लॉगेन आणि लेव्हरोनी यांनी 3 मिनिटे, 16.61 सेकंदाचा अवधी घेत नवा स्पर्धाविक्रम करत सुवर्णपदक पटकाविले. अमेरिकेच्या महिला धावपटूंनी जमैकाच्या धावपटूंना 2.64 सेकंदाने मागे टाकत सुवर्णपदकाला गवसणी घातली. जमैकाला रौप्यपदकावर समाधान मानावे लागले. या क्रीडा प्रकारात नेदरलँड्सने तिसऱ्या क्रमांकासह कांस्यपदक मिळविले.
