पणजी : मान्सून परतीच्या मार्गावर लागला असून गोव्यात गेल्या 24 तासात अनेक ठिकाणी जोरदार पाऊस पडला. आज व उद्या यलो अलर्ट असून यादरम्यान मध्यम तथा काही भागात जोरदार पावसाची शक्यता हवामान खात्याने व्यक्त केली आहे. हवामान खात्याने दिलेल्या माहितीनुसार राजस्थानमध्ये मान्सूनचे परतण्याचे मार्ग सुरू झाले आहेत. महाराष्ट्रातील नागपूर भागातूनही मान्सून परतीच्या मार्गावर आहे. गोव्यात काल सोमवारी सर्वत्र जोरदार पाऊस पडला. पणजीत त्यातुलनेत फार कमी प्रमाणात पाऊस पडला. आगामी 48 तासात जोरदार पावसाची शक्यता व्यक्त केली असली तरी देखील काही भागात हलक्या पावसाची शक्यता आहे. गेल्या 24 तासात गोव्यात सरासरी अर्धा इंच पेक्षाही कमी पाऊस पडला. जवळपास पाच केंद्रांवर अर्धा इंच पाऊस नोंदविला गेला. यंदा नियमित वेळेच्या पंधरा दिवस अगोदर मान्सून देशात पोहोचला आणि पंधरा दिवस अगोदरच त्याचा परतीचा प्रवास सुरू झाला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
