बर्लीन : जर्मनीची राजधानी बर्लीन येथे लोकांच्या जमावात कार घुसल्याने झालेल्या दुर्घटनेत अनेकजण जखमी झाल्याची घटना घडली आहे. बर्लीनच्या वेडिंग या जिल्ह्यातील सीस्ट्रे या स्थानी गुरुवारी ही घटना घडल्याची माहिती देण्यात आली आहे. एका कार्यक्रमासाठी हे लोक येथे जमले होते. ही दुर्घटना हा घातपाताचा किंवा दहशतवादाचा प्रकार नाही, असे प्राथमिक तपासात आढळले आहे. तसेच, ही घटना केवळ अपघात असल्याचेही सध्या स्पष्ट करण्यात आले आहे. कार चालकाचे नियंत्रण सुटल्याने कार जमावात घुसली. जखमींमध्ये अनेक लहान मुलांचाही समावेश असल्याने ही घटना गंभीर मानण्यात येत आहे. दहशतवादी हल्ल्याची शक्यता नाकारण्यात आली असली, तरी सर्व शक्यता गृहित धरुन तपास करण्यात येईल, अशीही माहिती स्थानिक प्रशासनाने दिली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
